"Nyukasl" "Sevilya" markaziy himoyachisi Diyego Karlosni sotib olmoqchi.

"Marca" xabariga ko‘ra, ingliz jamoasi 28 yoshli futbolchi uchun ikkinchi, yaxshilangan taklif - 25 million yevro yuborgan, biroq bu taklif ham rad etilgan.

Qayd etilishicha, Andalusiya klubi tovon puli 80 million yevroni tashkil etuvchi futbolchini qishda sotmoqchi emas. Keyinchalik, uning o‘rnini to‘ldirish imkoniyati paydo bo‘lganda, ular takliflarni tinglashga tayyor bo‘ladi.

Ma’lumot uchun, Diyego Karlos joriy mavsumda La Ligada 19 ta o‘yin o‘tkazib, 2 ta gol urdi.