"Tottenxem" ustozi Antonio Konte "Chelsi"ga uchralgan mag‘lubiyatdan keyin o‘z fikrlarini bayon qildi. Xususan, u raqib haqida shunday deydi:
"Siz top jamoalarga qarshi o‘ynaganingizda, mag‘lubiyat xavfi juda yuqori bo‘ladi. Shu sabab ham bugun biz mag‘lubiyat alamini totmoqdamiz. Agarda siz "Chelsi" kabi jamoaga qarshi o‘yinda xavf ichidaman deb o‘ylamasangiz, demak siz hayolparastsiz. Shunchaki, hayolparast. Vaziyatga real qarar ekanmiz, ikki jamoa o‘yinida katta farq borligiga guvoh bo‘lamiz. Agar top jamoaga qarshi o‘n marta o‘ynasangiz ham o‘sha xavf, o‘sha xavfligicha qoladi. Hech narsa o‘zgarmaydi".
Eslatib o‘tamiz, "Tottenxem" APL turnir jadvalida 6 o‘rinda bormoqda.