“Brayton” yarimhimoyachisi Iv Bissumani sotishga tayyor. Ingliz klubi futbolchi uchun katta pul ishlab olmoqchi. Bu haqda Britaniya matbuoti xabar bermoqda.

“Brayton” Bissuma bilan kamida 50 million funt sterling evaziga xayrlashadi. Avvalroq, futbolchiga “Liverpul” va “Manchester Siti” klublari qiziqish bildirayotgani haqida xabarlar tarqalgan edi. Bugun tarqalgan ma’lumotlarga ko‘ra, futbolchiga Antonio Konte boshchiligidagi “Tottenxem” ham qiziqish bildirmoqda.

Ma’lum bo‘lishicha, futbolchini xarid qilish fikri aynan italiyalik mutaxassisdan chiqqan.