“Manchester Yunayted” “Napoli” yarimhimoyachisi Fabian Ruisga qiziqish bildirmoqda. Uning shartnomasi 2023 yilning yozida yakuniga yetadi. Bu haqda “The Mirror” nashri xabar bermoqda.
Manbaga ko‘ra, 25 yoshli futbolchi neapolliklar bilan shartnomasini uzaytirish borasida kelisha olmayapti, chunki “Napoli” maosh borasida katta summa taklif qilmaydi. Xabarlarga ko‘ra, Ruisga PSJ va “Barselona” qiziqish bildirmoqda, biroq “Manchester Yunayted” ispaniyalikyarim himoyachini “Vest Xem” a’zosi Deklan Raysga muqobil variant sifatida ko‘rmoqda va yanvar oyida xarid qilishga urinib ko‘rishi mumkin.
Ruis “Napoli”ga 2018 yilda “Betis”dan kelib qo‘shilgandi. Yarimhimoyachi joriy mavsumda barcha musobaqalarda 19 o‘yinda 5 ta gol urdi va 3 ta golli uzatmani amalga oshirdi.
Qo‘shimcha qilamizki, Fabianning transfer narxi 55 million yevro bo‘lib, A seriyadagi ikkinchi eng qimmat yarimhimoyachi hisoblanadi.
