“Манчестер Юнайтед” “Наполи” яримҳимоячиси Фабиан Руисга қизиқиш билдирмоқда. Унинг шартномаси 2023 йилнинг ёзида якунига етади. Бу ҳақда “The Mirror” нашри хабар бермоқда.

Манбага кўра, 25 ёшли футболчи неаполликлар билан шартномасини узайтириш борасида келиша олмаяпти, чунки “Наполи” маош борасида катта сумма таклиф қилмайди. Хабарларга кўра, Руисга ПСЖ ва “Барселона” қизиқиш билдирмоқда, бироқ “Манчестер Юнайтед” испанияликярим ҳимоячини “Вест Хэм” аъзоси Деклан Райсга муқобил вариант сифатида кўрмоқда ва январь ойида харид қилишга уриниб кўриши мумкин.

Руис “Наполи”га 2018 йилда “Бетис”дан келиб қўшилганди. Яримҳимоячи жорий мавсумда барча мусобақаларда 19 ўйинда 5 та гол урди ва 3 та голли узатмани амалга оширди.

Қўшимча қиламизки, Фабианнинг трансфер нархи 55 миллион евро бўлиб, А сериядаги иккинчи энг қиммат яримҳимоячи ҳисобланади.