“Fiorentina” himoyachisi Nikola Milenkovich “Nyukasl Yunayted”ning radariga tushgan, ular qishki transfer oynasi tugaguniga qadar ikki nafar markaziy himoyachini o‘z safiga qo‘shib olmoqchi. Bu haqda “The Sun” nashri xabar bermoqda.
“Fiorentina” 24 yoshli serbiyalik futbolchi bilan 45 million yevrolik taklif tushsagina xayrlashishga tayyor. Ingliz klubi italiyaliklarning iltimosini bajarishga tayyormi yoki yo‘qmi, hozircha ma’lum qilinmagan.
Milenkovich 2017 yilning yozida “Partizan”dan 5,1 million yevro evaziga “Fiorentina”ga o‘tgan edi. Joriy mavsumda himoyachi Italiya A seriyasida 17ta o‘yinda maydonga tushib, 1 ta gol urdi. Shuningdek, mamlakat kubogi doirasidagi ikkita uchrashuvda ham o‘z hisobiga gol yozdirib qo‘ygan urgan.
Milenkovichning shartnomasi 2023 yilda tugaydi, Transfermarkt futbolchining bozor narxini 23 million yevro deb baholamoqda.
