“Фиорентина” ҳимоячиси Никола Миленкович “Ньюкасл Юнайтед”нинг радарига тушган, улар қишки трансфер ойнаси тугагунига қадар икки нафар марказий ҳимоячини ўз сафига қўшиб олмоқчи. Бу ҳақда “The Sun” нашри хабар бермоқда.

“Фиорентина” 24 ёшли сербиялик футболчи билан 45 миллион евролик таклиф тушсагина хайрлашишга тайёр. Инглиз клуби италияликларнинг илтимосини бажаришга тайёрми ёки йўқми, ҳозирча маълум қилинмаган.

Миленкович 2017 йилнинг ёзида “Партизан”дан 5,1 миллион евро эвазига “Фиорентина”га ўтган эди. Жорий мавсумда ҳимоячи Италия А сериясида 17та ўйинда майдонга тушиб, 1 та гол урди. Шунингдек, мамлакат кубоги доирасидаги иккита учрашувда ҳам ўз ҳисобига гол ёздириб қўйган урган.

Миленковичнинг шартномаси 2023 йилда тугайди, Трансфермаркт футболчининг бозор нархини 23 миллион евро деб баҳоламоқда.