“Napoli”ning 34 yoshli futbolchisi Dris Mertens “Barselona”da ijara asosida o‘ynayotgan hujumchi Lyuk de Yongning o‘rnini egallashi mumkin. Gollandiyalik futbolchi “Sevilya”dan ijaraga olingan.
Mertens “Napoli”da 2013 yilning yozidan beri to‘p suradi. Hujumchi joriy mavsum A seriyaning 15ta o‘yinida maydonga tushib, 6ta gol urdi. U Yevropa Ligasining to‘rtta o‘yinida ham o‘z nomini tabloga yozdirib qo‘ygan.
31 yoshli De Yong “Barselona” safida o‘tkazgan so‘nggi uchta o‘yinda uchta gol urishga erishgan. Hujumchi Ispaniya chempionatida “Malyorka” va “Granada” darvozabonlarini ranjitgan, shuningdek, mamlakat Superkubogida “Real” darvozasi ham ishg‘ol qilgan.
