“Manchester Yunayted” hujumchi Markus Reshford bilan shartnomani uzaytirish haqida o‘ylamoqda. Futbolchining amaldagi shartnomasi kelasi mavsum oxirida yakuniga yetadi. Bu haqda ESPN nashri xabar bermoqda.

“Manchester Yunayted”da 24 yoshli angliyalik futbolchi bilan shartnomani bir mavsumga uzaytirish imkoniyati mavjud, biroq ular o‘z futbolchisi bilan uzoqroq shartnoma tuzishni rejalashtirmoqda. Klub murabbiylar shtabi futbolchining imkoniyatlarini to‘liq ochib bera olishiga ishonch bildirmoqda.

Reshford – “Manchester Yunayted” tarbiyalanuvchisi. Hujumchi joriy mavsumda Premyer-liganing 11 o‘yinida 2 ta gol va 1 golli uzatmani amalga oshirdi. U Chempionlar ligasida qatnashgan uchta o‘yinida ham gol urgan. Transfermarkt Reshfordni 85 million yevroga baholangan.