Yangi mavsumga tayyorgarlik ko‘rayotgan "Turon" bosh murabbiyi Anvar Berdiyev jamoaning maqsadlari haqida to‘xtalib o‘tdi.
"Jamoamiz oldidagi maqsad mavsumga ko‘tarinki ruhda tayyorgarlik ko‘rgan xolda Superligaga qaytish. Tayyorgarlikning dastlabki bosqichida "Hokim kubogi" munosib ishtirok etish vazifasi qo‘yildi. Albatta, ushbu maqsad va vazifalarni amalga oshirishda bizga muxlislarimizning ko‘magi zarur. Ular bizni ortda qolgan mavsumda ham ajoyib tarzda qo‘llab-quvvatlab turishdi. Mana shunday ruhda davom etsak, biz albatta maqsadga erishamiz", - dedi mutaxassis.