Moskvaning SSKA klubi hujum chizig‘ini kuchaytirishni rejalashtirgan.
Jamoa «Lasio» hujumchisi Vedat Murikini o‘z safiga qo‘shib olmoqchi. Jurnalist Ertan Suzgun bergan ma’lumotlarga ko‘ra, «armiyachilar» allaqachon to‘liq transfer bo‘yicha rasmiy taklif bilan rimliklarga murojaat qilishgan.
Muriki jamoasi tarkibida Chiro Immobile raqobatini sindira olmayapti. Ma’lumot uchun, 27 yoshli hujumchi joriy mavsum 12 o‘yinda atigi bitta gol urgan.