“Fiorentina” hujumchisi Dushan Vlaxovich hozirgi florensiyaliklar safida kamida yozgacha qolishi mumkin. Serbiyalik hujumchi ushbu transfer oynasida jamoani o‘zgartira olmaydi, chunki barcha futbolchiga xaridor klublar 69 million yevrolik tovon pulini to‘lashini istamayapti.

Futbolchining “Fiorentina” bilan shartnomasi 2023 yilda tugaydi, shuning uchun Vlaxovich kelasi yozda arzonlashtirilgan narxda sotiladi.

Avvalroq futbolchining transferiga Londonning “Arsenal” va Turinning “Yuventus” klublari qiziqish bildirayotgani haqida xabar berilgandi. Vlaxovich joriy mavsum A seriyada 20 ta o‘yinda maydonga tushib, 16 ta gol urdi va 2 ta golli uzatmani amalga oshirdi.