“Фиорентина” ҳужумчиси Душан Влахович ҳозирги флоренцияликлар сафида камида ёзгача қолиши мумкин. Сербиялик ҳужумчи ушбу трансфер ойнасида жамоани ўзгартира олмайди, чунки барча футболчига харидор клублар 69 миллион евролик товон пулини тўлашини истамаяпти.

Футболчининг “Фиорентина” билан шартномаси 2023 йилда тугайди, шунинг учун Влахович келаси ёзда арзонлаштирилган нархда сотилади.

Аввалроқ футболчининг трансферига Лондоннинг “Арсенал” ва Туриннинг “Ювентус” клублари қизиқиш билдираётгани ҳақида хабар берилганди. Влахович жорий мавсум А серияда 20 та ўйинда майдонга тушиб, 16 та гол урди ва 2 та голли узатмани амалга оширди.