“Liverpul” yangi shartnomaga ko‘ra misrlik hujumchi Muhammad Salohning moliyaviy talablarini qondira olmayapti, deb xabar beradi “The Telegraph”.
Manbaga ko‘ra, mersisaydliklar klubi hujumchiga haftasiga 600 ming funt sterlingga maoshni to‘lay olmaydi, bu esa Muhammadni Premyer-ligadagi eng ko‘p maosh oluvchi futbolchiga aylantirishi mumkin.
29 yoshli futbolchi bilan amaldagi kelishuv 2023 yilning yoziga qadar mo‘ljallangan.
Saloh joriy mavsum “Liverpul” safida barcha turnirlar doirasida 26 ta o‘yinda maydonga tushib, 23 ta gol urdi va 9 ta golli uzatmani amalga oshirdi.
