"Lids" bosh murabbiyi Marselo Byelsa hujumchi Rafinya bilan shartnomani uzaytirish borasida gapirdi.
“Menimcha, bu ajoyib qaror. Rafinya jamoamizning eng yaxshi o‘yinchilaridan biri, u yaxshi va oqilona o‘ynaydi. U Premyer-ligada o‘z iqtidorini namoyish etib, allaqachon top-klublar e’tiborini tortdi", - dedi mutaxassis.
Ma’lumot uchun, 2021/22 yilgi mavsumda Rafinya “Lids” safida 18 ta o‘yinda maydonga tushib, 8 ta gol va 1 ta golli uzatmani amalga oshirgan. Transfermarkt.com portali 25 yoshli braziliyalik futbolchining narxini 40 million yevroga baholamoqda. Oldinroq futbolchiga "Liverpul" va "Bavariya" klublari qiziqish bildirayotgani haqida xabar berilgandi.
