"Лидс" бош мураббийи Марсело Бьелса ҳужумчи Рафинья билан шартномани узайтириш борасида гапирди.
“Менимча, бу ажойиб қарор. Рафинья жамоамизнинг энг яхши ўйинчиларидан бири, у яхши ва оқилона ўйнайди. У Премьер-лигада ўз иқтидорини намойиш этиб, аллақачон топ-клублар эътиборини тортди", - деди мутахассис.
Маълумот учун, 2021/22 йилги мавсумда Рафинья “Лидс” сафида 18 та ўйинда майдонга тушиб, 8 та гол ва 1 та голли узатмани амалга оширган. Transfermarkt.com портали 25 ёшли бразилиялик футболчининг нархини 40 миллион еврога баҳоламоқда. Олдинроқ футболчига "Ливерпуль" ва "Бавария" клублари қизиқиш билдираётгани ҳақида хабар берилганди.
