"Manchester Siti" bosh murabbiyi Xosep Gvardiola APLning 22-turi doirasidagi "Chelsi" ustidan qozonilgan g‘alaba (1:0) haqida gapirdi.
“Eng munosib natija. Bunday jamoaga qarshi ko‘p golli vaziyatlarga ega bo‘lishni kuta olmaymiz. Ular Chempionlar ligasi g‘oliblari.
Ular bizni qarshi hujumda tutumoqchi bo‘lishdi, lekin yakunda ularga gol urgan biz bo‘ldik. Biz kimga qarshi o‘ynaganimizni, raqib qanchalik yaxshi ekanini yaxshi bilgan edik. Qarshi hujumdagi o‘yinda "Chelsi" "Liverpul" bilan birga eng kuchli klublardan biri hisoblanadi.
Agar biz harakatlarimizni mantiqiy yakuniga yetkazmasak, ular qarshi hujumga qochib ketishlari mumkin edi va ular bu borada juda kuchli", - deya Gvardiolaning so‘zlarini keltiradi BBC Sport.
"Manchester Siti" turnir jadvalida peshqadamlik qilishda davom etmoqda. “Chelsi” ayni damda 13 ochko ortda qolgan holda ikkinchi o‘rinda bormoqda.