«Ayaks» Gollandiya chempionatining joriy mavsumida g‘ayritabiiy natija qayd etmoqda. Amsterdamliklar eng yaxshi to‘plar farqi borasidagi ko‘rsatkichga qaramay turnir jadvalida birinchi o‘rinda emas.

Klub hozirgacha o‘n sakkizta o‘yin o‘tkazgan. Erik ten Xag jamoasi bu orada atigi to‘rtta gol o‘tkazib yubordi xolos. 

Jamoa naq 56ta gol urishga muvaffaq bo‘ldi. Bu shuni anglatadiki, «Ayaks» mavsumning eng ko‘p gol urgan jamoasi (eng yaqin raqibida - 46 ta gol) va to‘rtta gol bilan eng kam o‘tkazib yuborgan jamoa (ushbu tasnifdagi ikkinchi jamoa 18 ta gol o‘tkazib yuborgan) bo‘lib turibdi.

Qizig‘i shundaki, «Ayaks»ning o‘tkazib yuborilgan har bir goli jamoaning ochko yo‘qotishiga olib kelgan.

Shu boisdan ham urilgan va o‘tkazib yuborilgan gollar bo‘yicha aql bovar qilmaydigan farq bo‘lishiga qaramay, «Ayaks» turnir jadvalida peshqadam emas.