«Аякс» Голландия чемпионатининг жорий мавсумида ғайритабиий натижа қайд этмоқда. Амстердамликлар энг яхши тўплар фарқи борасидаги кўрсаткичга қарамай турнир жадвалида биринчи ўринда эмас.

Клуб ҳозиргача ўн саккизта ўйин ўтказган. Эрик тен Хаг жамоаси бу орада атиги тўртта гол ўтказиб юборди холос. 

Жамоа нақ 56та гол уришга муваффақ бўлди. Бу шуни англатадики, «Аякс» мавсумнинг энг кўп гол урган жамоаси (энг яқин рақибида - 46 та гол) ва тўртта гол билан энг кам ўтказиб юборган жамоа (ушбу таснифдаги иккинчи жамоа 18 та гол ўтказиб юборган) бўлиб турибди.

Қизиғи шундаки, «Аякс»нинг ўтказиб юборилган ҳар бир голи жамоанинг очко йўқотишига олиб келган.

Шу боисдан ҳам урилган ва ўтказиб юборилган голлар бўйича ақл бовар қилмайдиган фарқ бўлишига қарамай, «Аякс» турнир жадвалида пешқадам эмас.