Pleymeyker Paulo Dibalaning “Yuventus”dagi kelajagi hamon so‘roq ostida. Ma’lumotlarga ko‘ra, argentinalik futbolchi turinliklar rahbariyati bilan janjallashib qolgan. Buni “Udineze”ga qarshi o‘yinda gol urganidan keyin o‘zini tutishi ham ko‘rsatib turibdi.

Bu muammolarning barchasi fonida futbolchiga boshqa jamoalar ham qiziqish bildira boshladi. Avvalroq, “Tottenxem” va “Inter” yozda Dibalani tekinga qo‘lga kiritishni rejalashtirayotgani xabar qilingandi.

Biroq AS nashrining ta’kidlashicha, “Milan” va “Barselona” ham Paulo uchun kurashga qo‘shiladi. “Inter”dan farqli o‘laroq, ular yanvardayoq dastlabki kelishuv bo‘yicha kelishib olishlari mumkin. Aytgancha, joriy mavsumda Dibala A seriya doirasida 16 ta uchrashuvda 7 gol va 3 golli uzatma muallifiga aylangan.