Плеймейкер Пауло Дибаланинг “Ювентус”даги келажаги ҳамон сўроқ остида. Маълумотларга кўра, аргентиналик футболчи туринликлар раҳбарияти билан жанжаллашиб қолган. Буни “Удинезе”га қарши ўйинда гол урганидан кейин ўзини тутиши ҳам кўрсатиб турибди.

Бу муаммоларнинг барчаси фонида футболчига бошқа жамоалар ҳам қизиқиш билдира бошлади. Аввалроқ, “Тоттенхэм” ва “Интер” ёзда Дибалани текинга қўлга киритишни режалаштираётгани хабар қилинганди.

Бироқ АS нашрининг таъкидлашича, “Милан” ва “Барселона” ҳам Пауло учун курашга қўшилади. “Интер”дан фарқли ўлароқ, улар январдаёқ дастлабки келишув бўйича келишиб олишлари мумкин. Айтганча, жорий мавсумда Дибала А серия доирасида 16 та учрашувда 7 гол ва 3 голли узатма муаллифига айланган.