Madridning “Real” klubi Ispaniya Superkubogi finalida “Atletik”ni mag‘lub etdi (2:0) va turnir g‘olibiga aylandi.

Madrid klubi uchun bu tarixdagi 95-rasmiy sovrindir.

“Qaymoqranglilar”ning asosiy raqibi “Barselona” hisobida 96 ta sovrin bor.

Shuningdek, Madrid klubi barcha musobaqalarda so‘nggi 13 finalning 12 tasida g‘alaba qozongan, shu jumladan Ispaniya Superkubogida 3 marta.

2017 yilda “Real Madrid” ikki o‘yinli bahsda “Barselona”ni, 2020 yilda esa “Atletiko”ni penaltilar seriyasida mag‘lub etgandi.