Milanning “Inter” klubi Frankfurtning “Ayntraxt” klubi yarimhimoyachisi Filip Kostichga xaridor bo‘lmoqda. “Calciomercato” nashri Milan klubi futbolchining agenti bilan aloqa o‘rnatgani haqida xabar berdi. Kostichning narxi ma’lum - nemis klubi serbiyalik yarimhimoyachi uchun taxminan 20 million yevro olmoqchi.
Muammo shundaki, Kostich chempionatni o‘zgartirishga rozi bo‘ladimi, yoki yo‘qim noma’lum. Sababi, u 2014 yildan beri Germaniya Bundesligasida o‘ynamoqda, shu vaqt ichida uchta klubini almashtirgan. U “Shtutgart”da faoliyatini boshladi, shundan so‘ng “Gamburg”ga o‘tdi va 2018 yildan buyon “Ayntraxt”da o‘ynamoqda. Kostich Serbiyaning “Radnichki” va Gollandiyaning “Groningen” klublarida ham o‘ynashga muvaffaq bo‘ldi. 2015 yildan Serbiya terma jamoasi safida o‘ynab keladi.
