Миланнинг “Интер” клуби Франкфуртнинг “Айнтрахт” клуби яримҳимоячиси Филип Костичга харидор бўлмоқда. “Calciomercato” нашри Милан клуби футболчининг агенти билан алоқа ўрнатгани ҳақида хабар берди. Костичнинг нархи маълум - немис клуби сербиялик яримҳимоячи учун тахминан 20 миллион евро олмоқчи.

Муаммо шундаки, Костич чемпионатни ўзгартиришга рози бўладими, ёки йўқим номаълум. Сабаби, у 2014 йилдан бери Германия Бундеслигасида ўйнамоқда, шу вақт ичида учта клубини алмаштирган. У “Штутгарт”да фаолиятини бошлади, шундан сўнг “Гамбург”га ўтди ва 2018 йилдан буён “Айнтрахт”да ўйнамоқда. Костич Сербиянинг “Раднички” ва Голландиянинг “Гронинген” клубларида ҳам ўйнашга муваффақ бўлди. 2015 йилдан Сербия терма жамоаси сафида ўйнаб келади.