“Leypsig” yarimhimoyachisi Amadu Aydara faoliyatini Angliya Premyer-ligasida davom ettirishi mumkin. “Manchester Yunayted” 23 yoshli futbolchining xizmatlariga qiziqish bildirmoqda, deb yozadi jurnalist Jonatan Shreyger.
Manbaning xabariga ko‘ra, klublarning futbolchining transferi bo‘yicha muzokaralari dastlabki bosqichida.
“Manchester Yunayted”ning amaldagi bosh murabbiyi Ralf Rangnik malilik futbolchining 2018 yilda “Zalsburg”dan “Leypsig”ga o‘tishi tashabbuskori bo‘lgan. Aydaraning o‘zi avvalroq “Manchester Yunayted”da o‘ynashni orzu qilishini tan olgandi.
Futbolchining klub bilan shartnomasi 2025 yilning iyunigacha mo‘ljallangan. Transfermarkt portaliga ko‘ra, futbolchining bozor qiymatini 24 million yevroga baholagan.
Joriy mavsumda Aydara Germaniya Bundesligasida 13ta o‘yinda maydonga tushib, 2ta gol urdi.
