Kecha Germaniyaning Rupolding shahrida biatlon bo‘yicha Jahon kubogining navbatdagi bosqichi yakunlandi. E’tiborlisi, shundan so‘ng Pekin-2022 Olimpiadasi yo‘lida terma jamoalarning reyting ochkolarini yig‘ish davri tugadi va qaysi davlat Olimpiadaga nechta sportchi bilan borishi ma’lum bo‘ldi.
Berilgan maksimal kvotalarni Fransiya va Norvegiya terma jamoalari qo‘lga kiritdi. Ular ham erkaklar, ham ayollar dasturida 6 nafardan sportchini Pekinga olib borishi mumkin. Germaniya va Shvesiya termalari 11 ta kvotaga ega bo‘lishdi. Batafsil:
10 ta kvota: Avstriya, Belarus, Chexiya, Italiya, Rossiya Olimpiya qo‘mitasi, Ukraina;
8 ta kvota: Bolgariya, Kanada, Estoniya, Finlyandiya, Slovakiya, Shveysariya, AQSH;
6 ta kvota: Xitoy, Sloveniya, Yaponiya;
5 ta kvota: Belgiya, Litva, Polsha;
4 ta kvota: Moldova;
3 ta kvota: Janubiy Koreya;
2 ta kvota: Qozog‘iston, Latviya, Ruminiya;
1 ta kvota: Daniya, Yangi Zelandiya.
Eslatib o‘tamiz, Pekin-2022 Olimpiadasida biatlon bahslari 5-19 fevral kunlari bo‘lib o‘tadi.
