"Barselona" va yarim himoyachi Serxi Roberto hali yangi shartnoma borasida kelishib olishmagan.
29 yoshli futbolchi hozirda soliqlardan tashqari yiliga 12 million yevro oladi. Kataloniyaliklar Sergiga yozgacha hisoblangan shartnomani 2 yilga uzaytirishni, biroq maoshini sezilarli darajada kamaytirishni taklif qilishgan.
O‘yinchining agenti Xose Mariya Orobitg va "ko‘k-anorranglilar" direktori Mateu Alemani tez orada uchrashib, potensial kelishuvni muhokama qilishadi.
Roberto "Barsa"ning taklifidan qoniqmayapti, u allaqachon kelishuvning birinchi variantini rad etgan. Klub fevralda 30 yoshga to‘ladigan futbolchi endi doimiy ravishda asosiy tarkibda o‘ynamasligi va yulduz maqomiga ega bo‘lmasligini tushunib, shartnomani uzaytirishga shoshilmayapti.
Serxi katta miqdordagi maoshni qisqartirishni istamaydi.
Joriy mavsumda Roberto La Liganing 9 ta uchrashuvida 2 ta gol urdi va 1 ta golli uzatmani amalga oshirdi.
