"Барселона" ва ярим ҳимоячи Серхи Роберто ҳали янги шартнома борасида келишиб олишмаган.
29 ёшли футболчи ҳозирда солиқлардан ташқари йилига 12 миллион евро олади. Каталонияликлар Сергига ёзгача ҳисобланган шартномани 2 йилга узайтиришни, бироқ маошини сезиларли даражада камайтиришни таклиф қилишган.
Ўйинчининг агенти Хосе Мария Оробитг ва "кўк-анорранглилар" директори Матеу Алемани тез орада учрашиб, потенциал келишувни муҳокама қилишади.
Роберто "Барса"нинг таклифидан қониқмаяпти, у аллақачон келишувнинг биринчи вариантини рад этган. Клуб февралда 30 ёшга тўладиган футболчи энди доимий равишда асосий таркибда ўйнамаслиги ва юлдуз мақомига эга бўлмаслигини тушуниб, шартномани узайтиришга шошилмаяпти.
Серхи катта миқдордаги маошни қисқартиришни истамайди.
Жорий мавсумда Роберто Ла Лиганинг 9 та учрашувида 2 та гол урди ва 1 та голли узатмани амалга оширди.
