Xabaringiz bor, ayni kunlarda klubimizning yangi mavsumga tayyorgarlik jarayoni qizg‘in ruhda davom etmoqda.
Bugun O‘zbekiston tumani hokimi Sherzod Yuldashev "O‘zbekiston" stadioniga tashrif buyurib, o‘yingoh xududida amalga oshirilayotgan ishlar bilan yaqindan tanishdi.Tuman hokimiga tashrif davomida Faxriylar kengashi hamda boshqa mutassaddi tashkilotlar vakillari xamrohlik qildilar. Klubimiz prezidenti Olimxon Ahmedov yaqin kunlarda foydalanishga topshirilayotgan klub bazasi va yangi mavsumga tayyorgarlik jarayonlari haqida ma’lumot berib o‘tdi. Shuningdek, tumanimiz hokimi Sherzod Yuldashevning mazkur tashrifi davomida jamoa murabbiylari hamda futbolchilar bilan ham uchrashuv tashkil etildi.
Tashrif so‘ngida Faxriylar kengashi vakillari bilan birgalikda jamoa yangi mavsumda chempionlikni qo‘lga kiritishi uchun duo qilindi.
"Turon" matbuot xizmati
