Хабарингиз бор, айни кунларда клубимизнинг янги мавсумга тайёргарлик жараёни қизғин руҳда давом этмоқда.

Бугун Ўзбекистон тумани ҳокими Шерзод Юлдашев "Ўзбекистон" стадионига ташриф буюриб, ўйингоҳ худудида амалга оширилаётган ишлар билан яқиндан танишди.Туман ҳокимига ташриф давомида Фахрийлар кенгаши ҳамда бошқа мутассадди ташкилотлар вакиллари хамроҳлик қилдилар. Клубимиз президенти Олимхон Аҳмедов яқин кунларда фойдаланишга топширилаётган клуб базаси ва янги мавсумга тайёргарлик жараёнлари ҳақида маълумот бериб ўтди. Шунингдек, туманимиз ҳокими Шерзод Юлдашевнинг мазкур ташрифи давомида жамоа мураббийлари ҳамда футболчилар билан ҳам учрашув ташкил этилди.

Ташриф сўнгида Фахрийлар кенгаши вакиллари билан биргаликда жамоа янги мавсумда чемпионликни қўлга киритиши учун дуо қилинди.

"Турон" матбуот хизмати