«Valensiya» yarimhimoyachisi Daniel Vass «Atletiko» qiziqishlari doirasiga tushgan.
Jamoa bosh murabbiyi Xose Bordalas buni tasdiqlagan. Biroq ushbu transfer hali ham so‘roq ostida.
«U menga boshqa jamoadan taklif kelganini va ketishni istayotganini aytdi. Men qaror qabul qilmayman. Men uning egasi emasman, shunchaki murabbiyiman xolos.
Unga futbolchi sifatida ishonaman. Shu bilan birga, men futbolchilarga ketish yoki qolishni ayta olmayman», - deya xulosa qildi murabbiy.
Ma’lumot uchun, 32 yoshli futbolchi olti million yevroga baholanmoqda. U o‘n to‘qqizta o‘yinda bitta gol urdi va bitta golli uzatmani amalga oshirdi.
