“Manchester Yunayted” himoyachisi Aleks Tellesga “Barselona” klubi qiziqish bildirmoqda. “Mundo Deportivo” nashri xabariga ko‘ra, “ko‘k-anorranglilar” tarkibni kuchaytirish uchun chap qanot himoyachisi qidirmoqda.
Tellesdan tashqari, “Yuventus” a’zosi Aleks Sandro, “Ayaks” yetakchisi Nikolas Talyafiko, “Vilyarreal” himoyachisi Alfonso Pedrasa va “Borussiya Dortmund” futbolchisi Rafael Gerreyro kabilar ham “Barselona” “short-listi”dan joy olgan.
Tellesning “Manchester Yunayted” bilan shartnomasi 2024 yilning yoziga qadar mo‘ljallangan, shuning uchun “qizil iblislar” u bilan xayrlashishni istamasligini hisobga olsak, “Barselona” futbolchini qo‘lga kiritish oson bo‘lmaydi.
Joriy mavsumda Telles Premyer-ligada 7 ta o‘yinda maydonga tushib, bitta golli uzatmani amalga oshirdi.
