“Barselona” vingeri Usmon Dembelening agenti Mussa Sissoko futbolchining shartnomasi bilan bog‘liq vaziyat haqida gapirdi.
Fransiyalik futbolchining klub bilan shartnomasi shu yilning yozida tugaydi, avvalroq fransz “Barselona”ning bitimni uzaytirish bo‘yicha taklifini rad etgan.
“Biz kabi odamlar bilan bosim ishlamaydi. Balki u “Barselona” bilan do‘st bo‘lgan agentlar bilan ish berar?! Lekin, bu menga nisbatan emas. Bu yerga futbolchimning manfaatlarini himoya qilish uchun kelganman, ijtimoiy tarmoqlarda munozaralarni qo‘zg‘atish uchun emas.Siz haqiqatni aytishingiz kerak. Ha, bizning talablar baland, lekin Usmonning klub tanlashi pulga bog‘liq emasligini, aks holda u bu yerda bo‘lmasligini allaqachon ko‘rsatgan edik. Agar “Barselona” muzokaralar olib borishni istasa, uni muzokara stoliga taklif qilishardi. Ammo hech qanday muzokaralar bo‘lgani yo‘q, faqat u endi maydonga tushmaydi, degan tahdidlar bor, xolos. Bu taqiqlangan. Agar kerak bo‘lsa, Usmon Dembelening huquqlarini himoya qilamiz.
Nima qilishni bilmaymiz, hali hech narsa hal qilinmagan. Ammo “Barselona” Usmonni qo‘ldan chiqarmoqda”, - dedi Sissoko “RMC Sport” nashriga.
