“Барселона” вингери Усмон Дембеленинг агенти Мусса Сиссоко футболчининг шартномаси билан боғлиқ вазият ҳақида гапирди.

Франциялик футболчининг клуб билан шартномаси шу йилнинг ёзида тугайди, аввалроқ францз “Барселона”нинг битимни узайтириш бўйича таклифини рад этган.

“Биз каби одамлар билан босим ишламайди. Балки у “Барселона” билан дўст бўлган агентлар билан иш берар?! Лекин, бу менга нисбатан эмас. Бу ерга футболчимнинг манфаатларини ҳимоя қилиш учун келганман, ижтимоий тармоқларда мунозараларни қўзғатиш учун эмас.Сиз ҳақиқатни айтишингиз керак. Ҳа, бизнинг талаблар баланд, лекин Усмоннинг клуб танлаши пулга боғлиқ эмаслигини, акс ҳолда у бу ерда бўлмаслигини аллақачон кўрсатган эдик. Агар “Барселона” музокаралар олиб боришни истаса, уни музокара столига таклиф қилишарди. Аммо ҳеч қандай музокаралар бўлгани йўқ, фақат у энди майдонга тушмайди, деган таҳдидлар бор, холос. Бу тақиқланган. Агар керак бўлса, Усмон Дембеленинг ҳуқуқларини ҳимоя қиламиз.

Нима қилишни билмаймиз, ҳали ҳеч нарса ҳал қилинмаган. Аммо “Барселона” Усмонни қўлдан чиқармоқда”, - деди Сиссоко “RMC Sport” нашрига.