“Liverpul” futbolchilari Tiago Alkantara va Divok Origi jarohatlardan tiklanishda davom etmoqda va maydonga qaytishga yaqin turibdi. Bu haqda klub matbuot xizmati xabar berdi.
Tiago Alkantara 16 dekabr kuni “Nyukasl”ni mag‘lub etgan uchrashuvdan so‘ng, avvaliga koronavirus, keyinchalik esa jarohat tufayli safdan chiqqandi. U fevral oyi boshigacha safga qaytishi kutilmoqda. Origi esa fevral oyining boshida Angliya kubogi doirasidagi “Kadiff Siti”ga qarshi o‘yindan keyin to‘liq mashg‘ulotlarga qaytishi mumkin.
- Umid qilamanki, Tiago xalqaro tanaffusdan so‘ng “Kardiff”ga qarshi o‘yinga tayyorgarlik ko‘rish uchun to‘liq mashg‘ulotlarga qaytadi. Divok bu o‘yindan keyingina tayyor bo‘ladi, - dedi Yurgen Kloppning yordamchi murabbiyi Pepeyn Leynders.
