“Ливерпуль” футболчилари Тиаго Алкантара ва Дивок Ориги жароҳатлардан тикланишда давом этмоқда ва майдонга қайтишга яқин турибди. Бу ҳақда клуб матбуот хизмати хабар берди.
Тиаго Алкантара 16 декабрь куни “Ньюкасл”ни мағлуб этган учрашувдан сўнг, аввалига коронавирус, кейинчалик эса жароҳат туфайли сафдан чиққанди. У февраль ойи бошигача сафга қайтиши кутилмоқда. Ориги эса февраль ойининг бошида Англия кубоги доирасидаги “Кадифф Сити”га қарши ўйиндан кейин тўлиқ машғулотларга қайтиши мумкин.
- Умид қиламанки, Тиаго халқаро танаффусдан сўнг “Кардифф”га қарши ўйинга тайёргарлик кўриш учун тўлиқ машғулотларга қайтади. Дивок бу ўйиндан кейингина тайёр бўлади, - деди Юрген Клоппнинг ёрдамчи мураббийи Пепейн Лейндерс.
