"Manchester Yunayted" bosh murabbiyi Ralf Rangnik hujumchi Krishtianu Ronalduning "Brentford"ga (3:1) qarshi APL o‘yinida almashtirilganiga izoh berdi
Portugaliyalik futbolchi 71-daqiqada almashtirilganidan norozi bo‘lib, o‘ziga berilgan kurtkani yerga tashlab, zaxira o‘rindig‘i yonidagi zinapoyada bahsni kuzatdi.
«Bu normal holat, hujumchi gol urishni xohlaydi. Ammo u kichik jarohatdan so‘ng o‘ynadi va bizni oldinda yana o‘yinlar borligini unutmaslik kerak edi.
Qolaversa, “Aston Villa” bilan o‘yinda sodir bo‘lgan voqealardan so‘ng, bu safar ustunlikni himoya qilishimiz kerak edi”, - deydi nemis mutaxassisi.
