"Lill" prezidenti Olivye Letang himoyachi Sven Botmanni qishki transfer oynasiga qo‘yib yuborish niyatida emasligini aytdi.
“Biz buni muhokama qilmaymiz. Men Sven haqida allaqachon aytganman va takror aytaman: biz eng yaxshi futbolchilarni jamoada saqlab qolmoqchimiz. Shuningdek, hech kim bilan muzokara boshlamoqchi ham emasmiz. Botmanni sotilmaydi", - deya Letang so‘zlaridan iqtibos keltiradi "Football Italia".
Ma’lumot uchun, 2021/22 yilgi mavsumda Botman “Lill” safida 19 ta o‘yinda maydonga tushib, 2 ta gol va 1 ta golli uzatmani amalga oshirgan. Transfermarkt.com portali 22 yoshli niderlandiyalik futbolchini 30 million yevroga baholamoqda. Oldinroq himoyachiga "Milan" va "Nyukasl" klublari qiziqish bildirayotgani haqida xabarlar tarqalgan edi.
