"Лилль" президенти Оливье Летанг ҳимоячи Свен Ботманни қишки трансфер ойнасига қўйиб юбориш ниятида эмаслигини айтди.
“Биз буни муҳокама қилмаймиз. Мен Свен ҳақида аллақачон айтганман ва такрор айтаман: биз энг яхши футболчиларни жамоада сақлаб қолмоқчимиз. Шунингдек, ҳеч ким билан музокара бошламоқчи ҳам эмасмиз. Ботманни сотилмайди", - дея Летанг сўзларидан иқтибос келтиради "Football Italia".
Маълумот учун, 2021/22 йилги мавсумда Ботман “Лилль” сафида 19 та ўйинда майдонга тушиб, 2 та гол ва 1 та голли узатмани амалга оширган. Transfermarkt.com портали 22 ёшли нидерландиялик футболчини 30 миллион еврога баҳоламоқда. Олдинроқ ҳимоячига "Милан" ва "Ньюкасл" клублари қизиқиш билдираётгани ҳақида хабарлар тарқалган эди.
