"Barselona" 20 yanvar, chorshanba kuni Ispaniya kubogining nimchorak final bosqichi doirasida "Atletik" klubiga qarshi bahs yuritadi. Xavi mazkur o‘yinda ishtirok etishi mumkin bo‘lgan futbolchilar ro‘yxatini e’lon qildi.

Kengaytirilgan tarkibga hujumchi Usmon Dembele kiritilmadi. Bu orqali "Barsa" kamroq maosh bilan shartnomani uzaytirishga rozi bo‘lmayotgan fransiyalik futbolchiga bosim o‘tkazmoqchi bo‘layotgan bo‘lishi mumkin.

Dembele joriy mavsumda "Barselona" safida 11ta o‘yinda ishtirok etib, bitta gol va 2ta assist muallifiga aylandi.

Eslatib o‘tamiz, "Atletik" - "Barselona" uchrashuvi bugun tunda Toshkent vaqti bilan 01:30da boshlanadi.