"Барселона" 20 январь, чоршанба куни Испания кубогининг нимчорак финал босқичи доирасида "Атлетик" клубига қарши баҳс юритади. Хави мазкур ўйинда иштирок этиши мумкин бўлган футболчилар рўйхатини эълон қилди.
Кенгайтирилган таркибга ҳужумчи Усмон Дембеле киритилмади. Бу орқали "Барса" камроқ маош билан шартномани узайтиришга рози бўлмаётган франциялик футболчига босим ўтказмоқчи бўлаётган бўлиши мумкин.
Дембеле жорий мавсумда "Барселона" сафида 11та ўйинда иштирок этиб, битта гол ва 2та ассист муаллифига айланди.
Эслатиб ўтамиз, "Атлетик" - "Барселона" учрашуви бугун тунда Тошкент вақти билан 01:30да бошланади.
