“Arsenal” “Nyu-Inglend Revolyushn” va AQSH terma jamoasi darvozaboni Mett Ternerga qiziqish bildirmoqda.
Londonliklar 27 yoshli darvozabon uchun taxminan 5,5 million funt taklif qilishgan.
Amerikalik futbolchi “Arsenal”da asosiy tarkibdagi o‘rnini yo‘qotgan va yozda klubni tark etishni rejalashtirayotgan Bernd Lenoning o‘rnini egallashi kutilmoqda.
Terner o‘tgan mavsumda MLSda 29 o‘yinda maydonga tushdi. Shuningdek, u o‘tgan yili AQSH terma jamoasi safida ham debyut qilgan va 13ta o‘yinda maydonga tushishga ulgurgan.
