Ispaniya kubogi 1/8 finalidan o‘rin olgan “Atletik” – “Barselona” uchrashuvi yakunlandi. Bilbaodagi “San-Mames” stadionida bo‘lib o‘tgan uchrashuv mezbonlarning 3:2 hisobidagi g‘alabasi bilan yakunlandi.

Ikkinchi daqiqadayoq “Atletik” o‘yindagi hisobni ochdi. Gol Iker Munyain hisobiga yozildi. 20-daqiqada “Barselona” Ferran Torresning aniq zarbasidan keyin hisobni tenglashtirdi. 86-daqiqada Inigo Martines yana “Atletik”ni oldinga olib chiqdi. “Barselona” asosiy vaqtga qo‘shib berilgan daqiqalarda Pedrining goli evaziga mag‘lubiyatdan qutilib qoldi.

Ekstra taymning birinchi bo‘limi oxirida uchrashuv hakami “Barselona” darvozasiga penalti belgiladi va Munyain uni golga aylantirib jamoasiga g‘alaba keltirdi.

Shu tariqa, “Atletik” Ispaniya kubogining chorak finaliga chiqdi, “Barselona” esa turnirdagi ishtirokini yakunladi.

“Atletik” – “Barselona” - 3:2 (1:1, 1:1, 1:0)

Gollar: 1:0 – 2 Muniain, 1:1 – 20 Ferran Torres, 2:1 – 86 Martines, 2:2 – 90 Pedri, 3:2 – 105, penalti Muniain.

“Atletik” – Agirresabala, De Markos (Lekue, 105), Martines, Vivian, Berchiche (Balensiaga, 90), Dani Garsiya, Vesga (Nolaskoayn, 117), Raul Garsiya (Berenger, 79), Sanset (Uilyams, 52), Uilyams (Sarraga, 110), Muniain.

“Barselona” – ter Shtegen, Pike, Arauxo, Alba, Buskets, Pedri (Breytueyt, 105), Gavi (de Yong, 61), Dani Alves, Judjla (Fati, 61; Dest, 96), Ezzalzuli (Niko Gonsales, 46), Ferran Torres.

Ogohlantirishlar: Dani Garsiya (30), Pike (76), Pedri (97), de Yong (104), De Markos (104), Alba (105), Uilyams (119), Muniain (120).