“Barselona” futbolchisi Ferran Torres jamoaning Ispaniya kubogini tark etishi haqida gapirdi. Ispaniya kubogining 1/8 finali doirasidagi o‘yinda Kataloniya klubi “Atletik”ga imkoniyatni boy berdi. Bilbaodagi “San-Mames” stadionida bo‘lib o‘tgan uchrashuv mezbonlarning 3:2 hisobidagi g‘alabasi bilan yakunlandi.
“O‘ylaymanki, biz yaxshi o‘yin o‘tkazdik, ammo ko‘p xatolarga yo‘l qo‘ydik. “Atletik”ni tabriklayman. Tarkibimizdagi ko‘p futbolchilar jarohatlaridan forig‘ bo‘lishmoqda. Ansu endigina safga qaytdi. Biz ishlashda davom etishimiz kerak. Penalti? U bo‘lganmi yoki yo‘qmi, ayta olmayman. Og‘ir hafta bo‘ldi, lekin biz buni yengib o‘tamiz” – deydi Torres.
Eslatib o‘tamiz, Torres “Barselona” gollaridan biriga mualliflik qildi.
