“Барселона” футболчиси Ферран Торрес жамоанинг Испания кубогини тарк этиши ҳақида гапирди. Испания кубогининг 1/8 финали доирасидаги ўйинда Каталония клуби “Атлетик”га имкониятни бой берди. Бильбаодаги “Сан-Мамес” стадионида бўлиб ўтган учрашув мезбонларнинг 3:2 ҳисобидаги ғалабаси билан якунланди.
“Ўйлайманки, биз яхши ўйин ўтказдик, аммо кўп хатоларга йўл қўйдик. “Атлетик”ни табриклайман. Таркибимиздаги кўп футболчилар жароҳатларидан фориғ бўлишмоқда. Ансу эндигина сафга қайтди. Биз ишлашда давом этишимиз керак. Пенальти? У бўлганми ёки йўқми, айта олмайман. Оғир ҳафта бўлди, лекин биз буни енгиб ўтамиз” – дейди Торрес.
Эслатиб ўтамиз, Торрес “Барселона” голларидан бирига муаллифлик қилди.
