"Real" Ispaniya kubogi 1/8 finalida "Elche"ni 2:1 hisobida mag‘lub etdi.
115-daqiqada madridliklar yarim himoyachisi Eden Azar jarima maydonchasi tashqarisiga yugurib chiqqan darvozabon Aksel Vernerdan o‘tib, to‘pni bo‘sh qolgan raqib darvozasiga aniq yo‘lladi.
31 yoshli belgiyalik futbolchi joriy mavsumda “Real” safida ilk bor gol urdi. Hozirgacha u La Ligada 13 ta, Chempionlar ligasida 2 ta, Ispaniya Kubogida 1 ta o‘yin o‘tkazgan.
Qayd etish joiz, Azar o‘zining so‘nggi golini o‘tgan yilning sentyabr (5) oyida o‘z terma jamoasi safida JCH-2022 saralashida Chexiya terma jamoasi darvozasiga kiritgan.
Madridliklar safida 60 ta uchrashuvda belgiyalik vinger 6 ta gol urdi va 10 ta golli uzatmani amalga oshirdi.
