"Реал" Испания кубоги 1/8 финалида "Эльче"ни 2:1 ҳисобида мағлуб этди.
115-дақиқада мадридликлар ярим ҳимоячиси Эден Азар жарима майдончаси ташқарисига югуриб чиққан дарвозабон Аксел Вернердан ўтиб, тўпни бўш қолган рақиб дарвозасига аниқ йўллади.
31 ёшли бельгиялик футболчи жорий мавсумда “Реал” сафида илк бор гол урди. Ҳозиргача у Ла Лигада 13 та, Чемпионлар лигасида 2 та, Испания Кубогида 1 та ўйин ўтказган.
Қайд этиш жоиз, Азар ўзининг сўнгги голини ўтган йилнинг сентябрь (5) ойида ўз терма жамоаси сафида ЖЧ-2022 саралашида Чехия терма жамоаси дарвозасига киритган.
Мадридликлар сафида 60 та учрашувда бельгиялик вингер 6 та гол урди ва 10 та голли узатмани амалга оширди.