Madridning “Real” klubi Ispaniya kubogi 1/8 finalida “Elche”ni mag‘lub etdi (2:1).
Karlo Anchelotti jamoasi ketma-ket beshinchi g‘alabaga erishdi.
Avvalroq madridliklar Ispaniya kubogida “Alkoyano”ni (3:1), La Ligada “Valensiya”ni (4:1), Ispaniya Superkubogida “Barselona”ni (3:2) va “Atletik”ni (2:0) mag‘lub etgandi.
Umuman olganda, 19 oktyabrdan buyon “blankos” 21 o‘yindan 18 tasida g‘alaba qozongan, shuningdek, bir marta mag‘lub bo‘lgan va ikki bor durang o‘ynagan. Keyingi o‘yinda klub milliy chempionatda "Elche" bilan uchrashadi - bahs 23 yanvarga belgilangan.
