“Milan” hujumchisi Olivye Jiru bir yil oldin Italiya A seriyasi klubiga o‘tishi mumkinligini esladi. O‘shanda fransiyalik futbolchiga “Yuventus” qiziqish bildirgan, ammo u “Chelsi”da qolishga qaror qilgan.
“Men qolishga qaror qildim, chunki men “Chelsi”da o‘ynashni xohladim. Mavsum qanday yakunlanganini inobatga olib, men to‘g‘ri qaror qildim, deb o‘ylayman”, - deydi Jiru.
Eslatib o‘tamiz, o‘tgan mavsumda “Chelsi” finalda “Manchester Siti”ni mag‘lub etib, Chempionlar ligasi kubogini qo‘lga kiritgan edi.
2021/2022 yilgi mavsumda Olivye Jiru “Milan” safida barcha musobaqalarda 19 ta o‘yinda maydonga tushib, oltita gol va ikkita golli uzatmani amalga oshirdi.
