“Милан” ҳужумчиси Оливье Жиру бир йил олдин Италия А серияси клубига ўтиши мумкинлигини эслади. Ўшанда франциялик футболчига “Ювентус” қизиқиш билдирган, аммо у “Челси”да қолишга қарор қилган. 

“Мен қолишга қарор қилдим, чунки мен “Челси”да ўйнашни хоҳладим. Мавсум қандай якунланганини инобатга олиб, мен тўғри қарор қилдим, деб ўйлайман”, - дейди Жиру.

Эслатиб ўтамиз, ўтган мавсумда “Челси” финалда “Манчестер Сити”ни мағлуб этиб, Чемпионлар лигаси кубогини қўлга киритган эди.

2021/2022 йилги мавсумда Оливье Жиру “Милан” сафида барча мусобақаларда 19 та ўйинда майдонга тушиб, олтита гол ва иккита голли узатмани амалга оширди.